பிரதமர் இல்லத்தின் மீது ரொக்கெட் கைக்குண்டு தாக்குதல்., பதற்றத்தில் பொதுமக்கள்

சட்டம்-ஒழுங்கு மட்டுமின்றி, நிலையற்ற அரசுகள், நெருக்கடிகள் போன்ற பிரச்னைகளால் சிக்கித் தவிக்கும் லிபியா நாட்டில் சமீபத்தில் நடந்த சம்பவம் பெரும் பரபரப்பை ஏற்படுத்தி உள்ளது.

ஞாயிற்றுக்கிழமை லிபியாவின் பிரதமர் அப்துல்ஹமீத் அல்-திபெய்பாவின் (Abdulhamid al-Dbeibah) இல்லத்தின் மீது ரொக்கெட் மூலம் செலுத்தப்படும் கையெறி குண்டுகள் தாக்கப்பட்டன.

இந்த சம்பவத்தில், கட்டிடம் சிறிதளவு சேதமடைந்துள்ளது, ஆனால் யாருக்கும் எந்த பாதிப்பும் ஏற்படவில்லை என்று அந்நாட்டு அமைச்சர் ஒருவர் கூறியதாக முன்னணி செய்தி நிறுவனமான ராய்ட்டர்ஸ் தெரிவித்துள்ளது.

பிரதமரின் வீடு அருகே பலத்த வெடிச் சத்தம் கேட்டதாக சுற்றுவட்டாரப் பகுதி மக்கள் கூறியதாக அதில் தெரிவிக்கப்பட்டுள்ளது.

மறுபுறம், குண்டுவெடிப்பு சம்பவத்தால் உஷார்படுத்தப்பட்ட நிலையில், பிரதமர் இல்லத்தில் பாதுகாப்புப் படையினர் அதிக அளவில் குவிக்கப்பட்டுள்ளனர்.

2011-ஆம் ஆண்டு முதல் லிபியாவில் அரசியல் ஸ்திரமற்ற சூழல் நிலவியது தெரிந்ததே. ஆட்சியும் இரு பிரிவினரின் கைகளில் உள்ளது.

2014ல் கிழக்கு, மேற்கு என பிரிந்த கோஷ்டியினர் தனித்து ஆட்சி செய்து வருகின்றனர்.

இப்பிரச்சினைக்கு தீர்வு காண களமிறங்கிய ஐக்கிய நாடுகள் சபை, அப்துல் ஹமீத் தலைமையில் 2021ல் தேசிய ஒற்றுமை அரசை அமைத்தது.

அனால், கிழக்கு பிராந்திய பாராளுமன்றம் அவரை உத்தியோகபூர்வமாக அங்கீகரிக்க மறுப்பதால் ஸ்திரமின்மை தொடர்கிறது.