புதிய நாடாளுமன்ற உறுப்பினராக வீரசேன கமகே சத்தியப்பிரமாணம்

என்.ஜி. வீரசேன கமகே (N.G.Weerasena Gamage) சற்று முன்னர் நாடாளுமன்ற உறுப்பினராக சத்தியப்பிரமாணம் செய்து கொண்டார்.

அனுராதபுரம் மாவட்ட நாடாளுமன்ற உறுப்பினர் எச். நந்தசேனவின் மறைவால் வெற்றிடமாகிய நாடாளுமன்ற உறுப்பினர் பதவிக்கே இவர் நியமிக்கப்பட்டுள்ளார்.

இன்று (24) காலை நாடாளுமன்ற நடவடிக்கைகள் ஆரம்பிக்கப்பட்ட வேளையில் வீரசேன சபாநாயகர் மகிந்த யாப்பா அபேவர்தன (Mahinda Yapa Abeywardena) முன்னிலையில் சத்தியப்பிரமாணம் செய்துகொண்டார்.

உயிரிழந்த எச். நந்தசேன
2020ஆம் ஆண்டு நடைபெற்ற பொதுத் தேர்தலில் பொதுஜன பெரமுன கட்சி, அநுராதபுரம் மாவட்டத்தில் ஏழு நாடாளுமன்ற உறுப்பினர்களைப் பெற்றுக் கொண்டிருந்தது.

இந்த நிலையில் குறித்த தேர்தலில் 53,618 விருப்பு வாக்குகளைப் பெற்று ஆறாவது இடத்தில் நாடாளுமன்ற உறுப்பினராக தெரிவாகி இருந்த எச். நந்தசேன (K. H. Nandasena) அண்மையில் திடீரென்று உயிரிழந்திருந்தார்.

கடந்த 2020 தேர்தலில் 38,242 விருப்பு வாக்குகளைப் பெற்று பொதுஜன பெரமுன கட்சியின் பட்டியலில் ஒன்பதாவது இடத்தைப் பெற்றுக் கொண்டிருந்த வீரசேன கமகே, புதிய நாடாளுமன்ற உறுப்பினராக தெரிவாகியுள்ளதாக தேர்தல் ஆணைக்குழு, நாடாளுமன்ற செயலாளர் நாயகத்துக்கு அறிவித்திருந்தமை குறிப்பிடத்தக்கது.