யாழ்.அச்சுவேலியில் பயங்கர சம்பவம்.. வீடுகள் மீது பெற்றோல் குண்டு தாக்குதல்!
யாழ். அச்சுவேலி பகுதியில் உள்ள இரண்டு வீடுகள் மீது வன்முறை கும்பல் ஒன்று தாக்குதல் நடத்திய சம்பவம் அதிர்ச்சியை ஏற்படுத்தியுள்ளது.
இந்த வன்முறைச் சம்பவம் அச்சுவேலி – சங்கானை வீதியில் தென்மூலைப் பகுதியில் நேற்று (03-05-2024) இடம்பெற்றுள்ளது.
இச் சம்பவம் தொடர்பாக சகோதரர்கள் உள்ளிட்ட 3 பேர் பொலிஸாரால் கைது செய்யப்பட்டுள்ளனர்.
வீடுகள் மீது பெற்றோல் குண்டுகள் மற்றும் கற்களால் தாக்குதல் நடத்தப்பட்டுள்ளதாக பொலிஸ் நிலையத்தில் முறைப்பாடு பதிவு செய்யப்பட்டுள்ளது.
தாக்குதலுக்கான காரணம் தெரியவராத நிலையில் சம்பவம் தொடர்பாக அச்சுவேலி பொலிஸார் விசாரணைகளை மேற்கொண்டு வருகின்றனர்.