பத்தாயிரம் இராணுவத்தினர் பணிகளில் இருந்து சட்டபூர்வ விடுதலை

இலங்கை பாதுகாப்பு அமைச்சினால் பிரகடனப்படுத்தப்பட்ட பொது மன்னிப்புக் காலத்தின் போது, இராணுவத்திலிருந்து வெளியேறிய சுமார் 10,000 இராணுவத்தினர் மே 04ஆம் திகதி வரை சட்டபூர்வ விடுதலையைப் பெற்றுள்ளனர்.

இலங்கை இராணுவம் பாதுகாப்பு அமைச்சின் கட்டளையின் கீழ், ஏப்ரல் 20 முதல் பொது மன்னிப்பு காலத்தை அறிவித்துள்ளது,

இதன்படி இராணுவத்தில் இல்லாத அனைத்து இராணுவத்தினரும் தங்கள் சேவையிலிருந்து உத்தியோகபூர்வ வெளியேற்றத்தைப் பெற அனுமதிக்கப்பட்டுள்ளனர்.

பொது மன்னிப்பு
2024ஆம் ஆண்டு ஏப்ரல் 20 முதல் மே 20 வரை ஒரு மாத காலத்திற்கு இந்த பொது மன்னிப்பு நடைமுறையில் உள்ளது.

இந்த காலகட்டத்தில், இராணுவத்தில் இல்லாதவர்கள் அந்தந்த கட்டளை மையங்களுடன் ஒருங்கிணைத்து இராணுவத்தில் இருந்து சட்டப்பூர்வமாக வெளியேற வாய்ப்பு வழங்கப்பட்டுள்ளது.

இந்த பொது மன்னிப்புக் காலத்தின் முதல் இரண்டு வாரங்கள் முடிவடைந்த நிலையில், 2023ஆம் ஆண்டு டிசம்பர் 31 முதல் விடுப்பு இன்றி மற்றும் அதற்கு முன்னதாக விடுப்பு இல்லாமல் இருந்த மொத்தம் 9,735 இராணுவத்தினர் பணிகளில் இருந்து விடுவிக்கப்பட்டுள்ளனர்.

தற்போது வெளிநாட்டில் உள்ள 35 இராணுவத்தினரும் சட்டப்படி வெளியேற்றப்பட்டவர்களில் அடங்குவதாக பாதுகாப்பு அமைச்சு தெரிவித்துள்ளது.