பள்ளத்தாக்கில் கவிழ்ந்து விபத்துக்குள்ளான லாரி… ஒரே குடும்பத்தை சேர்ந்த 13 பேர் உயிரிழப்பு!

பாகிஸ்தானில் உள்ள பள்ளத்தாக்கு ஒன்றில் மினி லாரி கவிழ்ந்து விபத்துக்குள்ளானதில் 13 பேர் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

இச்சம்பவம் தொடர்பில் மேலும் தெரியவருவதாவது,

பாகிஸ்தானின் கைபர் பக்துங்குவா மாகாணத்தை சேர்ந்த ஒரு குடும்பத்தினர் மினி லாரியில் பஞ்சாப் மாகாணம் நோக்கி சென்று கொண்டிருந்தனர்.

மலைப்பகுதி நடுவே அமைக்கப்பட்டிருந்த சாலையில் அந்த மினிலாரி வேகமாக சென்றது.

குஷப் அருகே பென்ஞ்பீர் மலை கிராமத்தையொட்டி அந்த மினிலாரி சென்றபோது டிரைவரின் கட்டுப்பாட்டை அது திடீரென இழந்தது.

இதனால் நிலைதடுமாறி பள்ளத்தாக்கில் பாய்ந்து உருண்டு கவிழ்ந்து விபத்துக்குள்ளாகியுள்ளது.

இந்த விபத்தில் பெண்கள், குழந்தைகள் உள்பட ஒரே குடும்பத்தை சேர்ந்த 13 பேர் சம்பவ பரிதாபமாக உயிரிழந்தனர்.

மேலும் விபத்தில் படுகாயமடைந்த 9 பேர் மீட்கப்பட்டு சிகிச்சைக்காக மருத்துவமனைகளில் அனுமதிக்கப்பட்டனர்.