உலகின் பாரிய ஜனநாயக தேர்தலில் வெற்றிபெற்ற நரேந்திர மோடிக்கு வாழ்த்துக்கள் – எலான் மஸ்க்

மக்களவைத் தேர்தலில் வெற்றி பெற்ற நரேந்திர மோடிக்கு டெஸ்லா நிறுவனர் எலான் மஸ்க் வாழ்த்து தெரிவித்துள்ளார்.

மோடி வெற்றி
இந்தியாவில் நடந்து முடிந்த 18வது மக்களவைத் தேர்தலில் பாஜக கூட்டணி 293 இடங்களைக் கைப்பற்றியது.

இதனைத் தொடர்ந்து நரேந்திர மோடி மற்றும் முக்கிய கூட்டணி கட்சி தலைவர்கள் இணைந்து, குடியரசு தலைவர் திரௌபதி முர்முவை அவரது இல்லத்தில் சந்தித்து ஆட்சி அமைக்க உரிமை கோரியுள்ளார்.

ரஜினிகாந்த் உள்ளிட்ட பல்வேறு பிரபலங்கள் நரேந்திர மோடிக்கு வாழ்த்து தெரிவித்தனர்.

எலான் மஸ்க் வாழ்த்து
இந்த நிலையில் டெஸ்லா, எக்ஸ் தள நிறுவனர் எலான் மஸ்க்கும் தனது வாழ்த்தினை பதிவிட்டுள்ளார். அவர் தனது எக்ஸ் பக்கத்தில்,

”உலகின் பாரிய ஜனநாயக தேர்தலில் உங்களது வெற்றிக்கு வாழ்த்துக்கள் நரேந்திர மோடி! இந்தியாவில் எனது நிறுவனங்கள் உற்சாகமான பணிகளைச் செய்ய ஆவலுடன் காத்திருக்கிறேன்” என தெரிவித்துள்ளார்.

Congratulations @narendramodi on your victory in the world’s largest democratic elections! Looking forward to my companies doing exciting work in India.

— Elon Musk (@elonmusk) June 7, 2024