இலங்கையில் அதிகரிக்கும் எலிக் காய்ச்சல் : மரணமடைவோர் தொகையும் அதிகரிப்பு

இவ் வருடத்தின் கடந்த 6 மாதங்களில் இலங்கையில் 5,000 எலிக்காய்ச்சல் நோயாளர்கள் பதிவாகியுள்ளதாக தொற்றுநோயியல் திணைக்களம் தெரிவித்துள்ளது.

எலிக்காய்ச்சல் மருத்துவரீதியில் லெப்டோஸ்பிரோசிஸ் என்று அழைக்கப்படுகிறது.

இந்த நோயை உண்டாக்கும் பாக்டீரியா முக்கியமாக எலிகளின் சிறுநீரில் உள்ளதால் அது கால்நடைகள், நாய்கள் மற்றும் பன்றிகளின் மலம் மற்றும் சிறுநீரில் இருப்பது தற்போது கண்டறியப்பட்டுள்ளது.

மனித உடலில்
குறித்த நோய்க்கிருமி பாக்டீரியாக்களுடன் விலங்குகளின் சிறுநீர், நீருடன் இணைந்த பிறகு, அது கால்களில் உள்ள காயங்கள் மற்றும் கண்கள் மற்றும் வாயின் சளி சவ்வுகள் வழியாக மனித உடலில் நுழைகிறது.

இது குறித்து கருத்து தெரிவித்த தொற்றுநோயியல் நிபுணர் துஷானி தாபரே, ஆண்டு முழுவதும் எலிக்காய்ச்சலால் 100 அல்லது அதற்கு மேற்பட்ட இறப்புகள் பதிவாகி வருவதாக தெரிவித்தார்.

முறையான சிகிச்சை
மேலும் பல சமயங்களில் சிகிச்சை பெறாதவர்கள் உயிரிழப்பதாகவும், எலிக்காய்ச்சலுக்கு மருந்துகள் இருப்பதாகவும், முறையான சிகிச்சை பெற்று இந்த நோயை குணப்படுத்த முடியும் என்றும் அவர் குறிப்பிட்டார்.

விவசாயிகள், மாணிக்கக்கல் சுரங்கத் தொழிலாளர்கள் மற்றும் கழிவுநீர் மற்றும் கால்வாய் சுத்திகரிப்பு தொழிலாளர்கள் அதிகளவில் எலிக்காய்ச்சலுக்கு உள்ளானவர்கள் இரத்தினபுரி (Ratnapura), காலி (Galle), கேகாலை (Kegalle), மாத்தறை (Matara), களுத்துறை (Kalutara), மொனராகலை (Monaragala), மற்றும் குருநாகல் (Kurunegala) போன்ற மாவட்டங்களை சேர்ந்தவர்கள் என்பது குறிப்பிடத்தக்கது.