குவைத் தீ விபத்து: 3 இந்தியர்கள் உட்பட 8 பேர் கைது

குவைத் தீ விபத்து தொடர்பில் 3 இந்தியர்கள் உட்பட 8 பேர் கைது செய்யப்பட்டுள்ளனர்.

குவைத்தில் கட்டிடம் ஒன்றில் ஏற்பட்ட பாரிய தீ விபத்து தொடர்பாக 3 இந்தியர்கள், 4 எகிப்தியர்கள் மற்றும் 1 குவைத் நாட்டவரை அதிகாரிகள் கைது செய்துள்ளனர்.

ஜூன் 12-ஆம் திகதி அதிகாலை 6 மாடி கட்டிடத்தில் ஏற்பட்ட தீ விபத்தில் 50 பேர் இறந்தனர், அதில் 7 தமிழர்கள் உட்பட 45 பேர் இந்தியர்கள்.

இந்த கட்டிடத்தில் 196 தொழிலாளர்கள் இருந்தனர், அவர்களில் பெரும்பாலோர் இந்தியர்கள்.

கைது செய்யப்பட்ட 8 பேரும் 2 வாரங்கள் பொலிஸ் காவலில் வைக்கப்பட்டுள்ளனர். அவர்கள் மீது அலட்சியம் மற்றும் கொலைக் குற்றச்சாட்டுகளின் கீழ் வழக்கு பதிவு செய்யப்பட்டுள்ளது.

குவைத்தின் எமிர் (Emir of Kuwait) Sheikh Meshal Al-Ahmad Al-Jaber Al-Sabah, உயிரிழந்தவர்களின் குடும்பங்களுக்கு தலா 15,000 டொலர் இழப்பீடு வழங்கப்படும் என்று அறிவித்தார்.

குவைத் அரசு வட்டாரங்களின்படி, இந்தப் பணம் வெளிநாட்டுத் தொழிலாளர்களின் தூதரகத்திற்கு வழங்கப்படும், அங்கிருந்து அவர்களின் குடும்பங்களுக்குச் சென்றடையும். இறந்தவர்களில் இந்தியாவைத் தவிர, பிலிப்பைன்ஸ் குடிமக்களும் உள்ளனர்.

தீ விபத்து குறித்து விசாரிக்க குவைத் குழுவும் அமைக்கப்பட்டது. தீ விபத்துக்கான காரணத்தை கண்டறியும் பணியிடம் ஒப்படைக்கப்பட்டுள்ளது.