கனேடிய மாகாணம் ஒன்றில் காட்டுத்தீ! ஆயிரக்கணக்கானோர் வெளியேற்றம்- ட்ரூடோ வெளியிட்ட பதிவு
கனடாவின் ஆல்பர்ட்டா மாகாணத்தில் பூங்காவிற்குள் ஏற்பட்ட தீ நகரம் வரை பரவியதால் பரபரப்பு ஏற்பட்டுள்ளது.
தேசியப் பூங்காவில் காட்டுத்தீ
ஆல்பர்ட்டாவின் பிரபலமான பூங்காவான ஜாஸ்பர் தேசியப் பூங்கா உள்ளது. இங்கு தீ விபத்து ஏற்பட்டுள்ளது.
திங்கட்கிழமை பிற்பகுதியில் பற்றிய காட்டுத்தீ, மாலை 6 மணியளவில் நகரத்தை வந்தடைந்தது. இதனால் மலை நகரத்தில் பல கட்டிடங்கள் பாதிக்கப்பட்டுள்ளதாக கனடா பூங்காக்கள் உறுதிப்படுத்தியுள்ளன.
மாகாணத்தில் பெரும் தீப்பரவல்கள் ஆயிரக்கணக்கான மக்களை வெளியேற்ற வழிவகுத்தன. கடந்த நான்கு நாட்களில் ஆயிரக்கணக்கான மக்கள் தங்கள் வீடுகளை விட்டு வெளியேறினர்.
ஜஸ்டின் ட்ரூடோ ஆதரவு
சுமார் 7,500 பேர் வெளியேற்ற உத்தரவுகளை கீழ் உள்ளனர். பலத்த காற்று நகரின் தெற்குப் பகுதியில் தீயின் சில பகுதிகள், ஜாஸ்பரின் புறநகரை நோக்கி நகர்த்தியதாக அதிகாரிகள் தெரிவித்தனர்.
மேலும், மோசமான நிலைமைகள் காரணமாக, அவசர மருத்துவ பணியாளர்கள் ஜாஸ்பருக்கு வடகிழக்கே, சுமார் 50 மெயில் தொலைவில் உள்ள ஹிண்டன் நகரத்திற்கு மாற்றப்படுவார்கள் என்றும் கூறினர்.
இந்த நிலையில் பிரதமர் ஜஸ்டின் ட்ரூடோ வெளியிட்ட ஆதரவு பதிவில், ”கூட்டாட்சி உதவிக்கான ஆல்பர்ட்டாவின் கோரிக்கையை நாங்கள் அங்கீகரித்துள்ளோம். கனேடிய படைகளை நாங்கள் பயன்படுத்துகிறோம்.
சாதனங்கள், வெளியேற்ற ஆதரவு மற்றும் மாகாணத்திற்கு உடனடியாக அவசரகால காட்டுத்தீ சாதனங்கள் மற்றும் நாங்கள் தீயணைப்பு, விமான உதவிகளை ஒருங்கிணைத்து வருகிறோம். ஆல்பர்ட்டா, நாங்கள் உங்களுடன் இருக்கிறோம்” என தெரிவித்துள்ளார்.
We’ve approved Alberta’s request for federal assistance. We’re deploying @CanadianForces resources, evacuations support, and more emergency wildfire resources to the province immediately — and we’re coordinating firefighting and airlift assistance. Alberta, we’re with you.
— Justin Trudeau (@JustinTrudeau) July 25, 2024
