அம்பானி குடும்பத்தின் சொத்து., இந்தியாவின் மொத்த உள்நாட்டு உற்பத்தியில் 10 சதவீதம்!

இந்தியாவின் மதிப்புமிக்க குடும்ப வணிகங்களின் பட்டியலில் அம்பானி குடும்பம் முதலிடத்தில் உள்ளது.

அம்பானி குடும்பம்
Barclays-Hurun India-வின் மிக மதிப்புமிக்க குடும்ப வணிகங்கள் 2024 பட்டியலின்படி, அம்பானி குடும்பத்தின் மதிப்பு ரூ. 25.75 டிரில்லியன் (ரூ.25,750,000,000,000) ஆகும்.

இது இந்தியாவின் மொத்த உள்நாட்டு உற்பத்தியில் (GDP) 10 சதவீதம் ஆகும்.

பார்க்லேஸ்-ஹுருன் இந்தியா அறிக்கையின்படி, ரிலையன்ஸ் இண்டஸ்ட்ரீஸ் தலைமையின் கீழ் அம்பானி குடும்ப வணிக சாம்ராஜ்யம் ஆற்றல், சில்லறை வர்த்தகம் மற்றும் தொலைத் தொடர்புத் துறைகளில் செயல்படுகிறது.

பார்க்லேஸ்-ஹுருன் இந்தியாவின் இந்த தரவரிசை மார்ச் 20, 2024 வரையிலான நிறுவனத்தின் மதிப்பீட்டின் அடிப்படையில் அமைந்துள்ளது.

இந்த மதிப்பீட்டில் தனியார் முதலீடு மற்றும் திரவ சொத்துக்கள் சேர்க்கப்படவில்லை.

அம்பானியின் செல்வத்தின் மதிப்பில் ரிலையன்ஸ், ஜியோ பிளாட்ஃபார்ம்கள், ரிலையன்ஸ் ரீடெய்ல் மற்றும் பிற குழும நிறுவனங்களின் பங்குகளும் அடங்கும்.

இரண்டாவது இடத்தில் பஜாஜ் குடும்பம்

மதிப்புமிக்க குடும்ப வணிகத்தின் பட்டியலில் ரூ.7.13 டிரில்லியன் மதிப்புடன் பஜாஜ் குடும்பம் இரண்டாவது இடத்தில் உள்ளது.

புனேவைச் சேர்ந்த ஆட்டோமொபைல் வணிகத்தின் தலைமைப் பொறுப்பை குடும்பத்தின் மூன்றாம் தலைமுறை தலைவரான நீரஜ் பஜாஜ் செய்து வருவதாக தகவல்கள் தெரிவிக்கின்றன.

மூன்றாவது இடத்தில் பிர்லா குடும்பம்

ரூ.5.39 டிரில்லியன் மதிப்பீட்டில் பிர்லா குடும்பம் மூன்றாவது இடத்தில் உள்ளது. இந்த நிறுவனத்தின் தலைமைப் பொறுப்பை குடும்பத்தின் நான்காவது தலைமுறையைச் சேர்ந்த குமார் மங்கலம் பிர்லா செய்கிறார்.

இந்த நிறுவனம் உலோகம், சுரங்கம், சிமெண்ட் மற்றும் நிதி சேவைகளில் கவனம் செலுத்துகிறது.

சிங்கப்பூரின் மொத்த உள்நாட்டு உற்பத்திக்கு சமம்
அறிக்கையின்படி, அம்பானி, பஜாஜ் மற்றும் பிர்லா ஆகிய மூன்று குடும்பங்களின் வணிகங்களின் கூட்டு மதிப்பீடு 460 பில்லியன் டொலர்கள், இது சிங்கப்பூரின் மொத்த உள்நாட்டு உற்பத்திக்கு கிட்டத்தட்ட சமம்.