அவசரமாக தரையிறக்கப்பட்ட ரணிலின் பாதுகாப்பு உலங்குவானூர்தி

ஜனாதிபதி ரணில் விக்கிரமசிங்க பயணித்த உலங்குவானூர்தியைத் தொடர்ந்து வந்த தனிமைப்படுத்தப்பட்ட உலங்குவானூர்தி தொழில்நுட்பக் கோளாறு காரணமாக திடீரென தரையிறக்கப்பட்டுள்ளது.

குறித்த உலங்குவானூர்தி நேற்று மாலை அனுராதபுரம் எப்பாவல, கட்டியா பகுதியில் உள்ள வெல்யா என்ற இடத்தில் தரையிறங்கியது.

இலங்கை விமானப்படைக்கு சொந்தமான பெல் 412 (SUH 522) ரக உலங்குவானூர்தி ஒன்று தொழில்நுட்ப கோளாறுக்கு உள்ளாகியுள்ளது.

உயிர்ச் சேதமோ, பொருள் சேதமோ ஏற்படவில்லை. தொழில்நுட்ப கோளாறை சரி செய்ய விமானப்படையினர் நடவடிக்கை எடுத்து வருவதுடன், சரக்குகள் கொழும்பில் இருந்து வேறு ஒரு விமானத்திற்கு மாற்றப்பட்டுள்ளது.

இந்த சம்பவம் குறித்து அனைத்து பாதுகாப்பு படையினரும் தற்போது விசாரணை நடத்தி வருகின்றனர்.