தெஹிவளையில் தேங்காய் விற்பனைக்கான விசேட நடமாடும் சேவை

நாட்டில் தேங்காய் விலை அதிகரித்துள்ள நிலையில் சலுகை விலையில் தேங்காய்களை விற்பனை செய்யும் நடமாடும் சேவை நடைமுறைப்படுத்தப்பட்டுள்ளதாக தெரிவிக்கப்பட்டுள்ளது.

குறித்த சேவையானது, தெஹிவளை (Dehiwala) நகரில் இன்று (29) முதல் நடைமுறைப்படுத்தப்பட்டுள்ளதாக தென்னைச் செய்கை சபை தெரிவித்துள்ளது.

தேங்காய் விற்பனைக்கான நடமாடும் சேவை காலை 9.00 மணி முதல் திறக்கப்பட்டுள்ளது.

நடமாடும் சேவை

நடமாடும் சேவையில் வாடிக்கையாளர்களுக்கு 5 தேங்காய்களும், கர்ப்பிணி தாய்மார்கள், முதியோர்களுக்கு 10 தேங்காய்களும் விற்பனை செய்யப்படுவதாக குறிப்பிடப்பட்டுள்ளது.

நடமாடும் சேவையில் பெரிய தேங்காய் ஒன்றை 120 ரூபாவுக்கு பெற்றுக்கொள்ள முடியும் என ஏற்கனவே குறிப்பிடப்பட்டிருந்தது.

இதேவேளை, தேங்காய் விலை உயர்வால் கோவில்கள் மற்றும் கோவில்களில் பக்தர்கள் தேங்காய் உபயோகிப்பதும் குறைந்துள்ளதாக தெரிவிக்கப்பட்டுள்ளது.

மேலும், தேங்காய் ஒன்றின் விலை உயர்வால் சில கடைகளில் தேங்காய் மட்டை 80 ரூபாய்க்கு விற்கப்படுகின்றமை குறிப்பிடத்தக்கது.