சூப்பர் பவர் உள்ளதாக நம்பி 4வது மாடியில் இருந்து குதித்த மாணவர் – இறுதியில் நேர்ந்த சோகம்

சூப்பர் பவர் உள்ளதாக நம்பிய மாணவர் கல்லூரி விடுதியின் மாடியில் இருந்து குதித்துள்ளார்.

சூப்பர் பவர் வீடியோ
ஈரோடு மாவட்டம் பெருந்துறையைச் சேர்ந்தவர் பிரபு (19). இவர் தனியார் பொறியியல் கல்லூரியில் 3ஆம் ஆண்டு செயற்கை நுண்ணறிவு படித்து வந்துள்ளார்.

சூப்பர் பவர்

சூப்பர் ஹீரோ, சூப்பர் பவர் வீடியோக்களை தொடர்ந்து பார்த்து வந்த இவர் தனக்கும் அதுபோன்ற சக்தி இருப்பதாக நம்ப தொடங்கியுள்ளார்.

கல்லூரி விடுதி
மேலும் தனக்கு சூப்பர் பவர் இருப்பதாக தனது நண்பர்களிடம் கூறியுள்ளார். இந்நிலையில் தனது சூப்பர் பவரை காட்ட நேற்று மாலை 6 மணி அளவில் கல்லூரி விடுதியின் 4வது மாடியில் இருந்து குதித்துள்ளார்.

இதனை அறிந்த சக மாணவர்கள் உடனடியாக ஆம்புலன்ஸை அழைத்து சிகிச்சைக்காக பிரபுவை மருத்துவமனையில் சேர்த்துள்ளனர். தற்போது தீவிர சிகிச்சை பிரிவில் அனுமதிக்கப்பட்டுள்ள பிரபுவுக்கு தொடர்ந்து சிகிச்சை அளிக்கப்பட்டு வருகிறது.

கீழே விழுந்ததில் அவருக்கு கை கால்களில் எலும்பு முறிவு ஏற்பட்டுள்ளது. மேலும் தலையிலும் காயம் ஏற்பட்டுள்ளது. இந்த சம்பவம் தொடர்பாக செட்டிபாளையம் போலீசார் வழக்கு பதிவு செய்து விசாரணை மேற்கொண்டு வருகின்றனர்.