தெருக்கடையில் மோமோஸ் சாப்பிட்ட பெண் மரணம்.., 15 பேருக்கு மேல் உடல்நலக்குறைவு

சாலையோரக்கடையில் மோமோஸ் சாப்பிட்ட 31 வயது பெண் உயிரிழந்த சம்பவம் அதிர்ச்சியை ஏற்படுத்தியுள்ளது.

பெண் மரணம்
இந்திய மாநிலமான தெலங்கானா, ஐதராபாத்தை சேர்ந்தவர் ரேஷ்மா பேகம் (31). இவர், சில மாதங்களுக்கு முன்பு பஞ்சாரா ஹில்ஸ் பகுதியில் டெல்லி மோமோஸ் என்ற பெயரில் செயல்படும் தெருவோரக்கடையில் மோமோஸ் வாங்கி சாப்பிட்டுள்ளார்.

இந்த கடையை பீகாரைச் சேர்ந்த சிலர் நடத்தி வந்துள்ளனர். இதையடுத்து ரேஷ்மா பேகத்திற்கு உடல்நலக்குறைவு ஏற்பட்டுள்ளது.

அதேபோல, கடந்த வாரத்தில் இந்த கடையில் சாப்பிட்ட 15க்கும் மேற்பட்டோருக்கு உடல்நலக்குறைவு ஏற்பட்டுள்ளது.

இந்நிலையில், மோமோஸ் சாப்பிட்ட ரேஷ்மா பேகம் மற்றும் அவரது குழந்தைகளுக்கு உடல்நலக்குறைவு ஏற்பட்டு மருத்துவமனையில் அனுமதிக்கப்பட்டனர். இதையடுத்து, சிகிச்சை பலனின்றி கடந்த 28 -ம் திகதி ரேஷ்மா பேகம் உயிரிழந்தார்.

இதனையடுத்து, பொதுமக்கள் புகார் அளித்ததன் படி வழக்குப்பதிவு செய்த பொலிஸார் விசாரணை நடத்தி வருகின்றனர். அப்போது, கடைக்கு உரிமமும் அளிக்கப்படவில்லை என்பது தெரியவந்தது.

இதையடுத்து, சாலையோர கடைகளில் உணவுகளை சாப்பிடும் போது கவனம் தேவை என்று அதிகாரிகள் அறிவுறுத்தியுள்ளனர்.