தவறி விழுந்த வெங்காய வெடி; மொத்தமாக வெடித்து சிதறிய பட்டாசுகள் – ஒருவர் பலி

பட்டாசு பாக்ஸ் வெடித்து சிதறியதில் ஒருவர் உயிரிழந்துள்ளார்.

தீபாவளி
தீபாவளி பண்டிகை நாடு முழுவதும் வெகுவிமர்சையாக கொண்டாடப்பட்டு வருகிறது. அதிகாலையிலே புத்தாடை உடுத்தி, இனிப்புகளை பகிர்ந்து, பட்டாசு வெடிக்க தொடங்கிவிட்டனர்.

பாதுகாப்பாக தீபாவளியை கொண்டாட மாநில அரசுகள் பல்வேறுகள் அறிவுரைகள் மற்றும் கட்டுப்பாடுகளை வழங்கியிருந்தன.

உயிரிழப்பு
இந்நிலையில் ஆந்திர மாநிலம் ஏலூரில், சாக்குப்பையில் பட்டாசுகளை எடுத்துக்கொண்டு இருசக்கர வாகனத்தில் 2 நபர்கள் சென்று கொண்டிருந்தனர். அப்போது சாலையில் இருந்த பள்ளத்தில் அந்த இரு சக்கர வாகனம் நிலை தடுமாறி விழுந்தது.

அதில் சாக்குப்பையில் இருந்த வெங்காய வெடி ஒன்று சாலையில் விழுந்துள்ளது. இதனால் ஒட்டுமொத்த பட்டாசும் வெடித்து சிதறியுள்ளது. இதில் இருசக்கர வாகனத்தில் சென்ற சுதாகர் சம்பவ இடத்திலே உயிரிழந்தார்.

இருசக்கர வாகனத்தில் வந்த மற்றொரு நபர் மற்றும் அருகில் நின்று கொண்டிருந்த 5 பேர் காயமடைந்து சிகிச்சைக்காக மருத்துவமனையில் சேர்க்கப்பட்டுள்ளனர். இதில் இருவரின் நிலை கவலைக்கிடமாக உள்ளது.