திறமைமிக்க அரசியல்வாதிகளை புறம் தள்ள கூடாது

அரசியலில் இளையோர் முன்னுக்கு வர வேண்டும் என்பதற்காக அனுபவமுள்ள , திறமைமிக்க அரசியல்வாதிகளை புறம் தள்ள கூடாது என என தமிழர் விடுதலை கூட்டணியில் யாழ் . தேர்தல் மாவட்டத்தில் போட்டியிடும் கௌரி தெரிவித்துள்ளார்.

யாழ் . ஊடக அமையத்தில் இன்றைய தினம் ஞாயிற்றுக்கிழமை நடைபெற்ற ஊடக சந்திப்பின் போதே அவ்வாறு தெரிவித்தார்.

மேலும் தெரிவிக்கையில்,

இளைஞர்களை முன்னுக்கு கொண்டு வரும் போது முதியவர்களை புறம் தள்ள கூடாது. அவர்களின் அனுபவமே எமது வயதாக இருக்கும் போது , அவர்களின் அனுபவத்துடன் சேர்ந்து பயணிக்கும் போதே எம்மால் நேர் வழியில் செல்ல முடியும்.

முதியவர்கள் மட்டுமே அரசியலில் இருந்து கொண்டு இளையோரை வர விடாமல் முழுமையாக தடுக்கின்றார்கள். அது தான் தவறு.

ஆனால் தமிழர் விடுதலை கூட்டணி இளையோரை முன்னிலைப்படுத்துகிறது.

அனுபவமிக்க , திறமைமிக்க அரசியல் வாதியான ஆனந்த சங்கரி ஐயாவுடன் கூட பயணிப்பது பாராட்டுக்கு உரிய விடயமே .. இதனை மற்றைய கட்சிகளும் பயன்படுத்த வேண்டும் என்பதே எமது எதிர்பார்ப்பு என மேலும் தெரிவித்தார்.