முச்சக்கரவண்டி லொறியுடன் மோதி விபத்து ; சீன நாட்டுப் பிரஜை காயம்

நுவரெலியா வெலிமடை – நுவரெலியா வீதியில் முச்சக்கரவண்டியொன்று லொறியுடன் மோதி விபத்துக்குள்ளானதாக வெலிமடை பொலிஸார் தெரிவித்துள்ளனர்.

குறித்த விபத்தானது இன்று (07) காலை இடம்பெற்றுள்ளது.

இந்த விபத்தில் முச்சக்கரவண்டியின் சாரதியான 36 வயதுடைய சீன நாட்டுப் பிரஜை காயமடைந்துள்ளார்.

காயமடைந்த நபர் வெலிமடை ஆரம்ப வைத்தியசாலையில் அனுமதிக்கப்பட்டு, பின்னர் மேலதிக சிகிச்சைக்காக பதுளை பொது வைத்தியசாலைக்கு மாற்றப்பட்டு அங்கு சிகிச்சை பெற்று வருவதாக பொலிஸார் குறிப்பி்ட்டுள்ளார்.

வெலிமடை பொலிஸ் நிலையத்துக்கு அருகில், நுவரெலியாவிலிருந்து சென்ற முச்சக்கரவண்டி வேகக் கட்டுப்பாட்டை இழந்து, வெலிமடையிலிருந்து நுவரெலியா நோக்கி சென்றுகொண்டிருந்த லொறியில் மோதி விபத்துக்குள்ளாகியுள்ளது.

இவ்விபத்து தொடர்பாக வெலிமடை பொலிஸார் விசாரணைகளில் ஈடுபட்டு வருகின்றனர்.