பிரித்தானியாவை தாக்க இருக்கும் கடும் பனிப்பொழிவு: பல பகுதிகளுக்கு மஞ்சள் வானிலை எச்சரிக்கை

பிரித்தானியாவின் பல பகுதிகள் பனி மற்றும் பனிக்கட்டி எச்சரிக்கையை எதிர்கொண்டுள்ளன.

வானிலை ஆய்வு மையம் எச்சரிக்கை

பிரித்தானியா குளிர்காலத்தின் கடுமையான தாக்கத்தை எதிர்நோக்கியுள்ள நிலையில், நாட்டின் வானிலை ஆய்வு மையமான மெட் அலுவலகம் பல பகுதிகளுக்கு பனி மற்றும் பனிக்கட்டிக்கான மஞ்சள் எச்சரிக்கையை விடுத்துள்ளது.

தெற்கு ஸ்காட்லாந்தின் பெரும்பகுதி, வடகிழக்கு இங்கிலாந்து, யார்க்ஷயரின் பகுதிகள் மற்றும் வடமேற்கு இங்கிலாந்தின் பகுதிகள் உட்பட லங்காஷயர் மற்றும் கம்பிரியாவை உள்ளடக்கிய பகுதிகளில் திங்கள் காலை 10 மணி முதல் அடுத்த வார செவ்வாய்க்கிழமை காலை 10 மணி வரை இந்த கடுமையான வானிலை எச்சரிக்கை விடுக்கப்பட்டுள்ளது.

வடக்கு ஸ்காட்லாந்து பகுதியில் ஞாயிற்றுக்கிழமை மாலை 4 மணி முதல் திங்கட்கிழமை காலை 11 மணி வரை பனி மற்றும் பனிக்கட்டிக்கான தனி எச்சரிக்கை விடுக்கப்பட்டுள்ளது.

அதிகபட்ச பனிப்பொழிவு
மெட் அலுவலகம் உயர்ந்த பகுதிகளில் கணிசமான பனிப்பொழிவு ஏற்படும் என்று எச்சரித்துள்ளது.

அதிகபட்சமாக 20 செ.மீ பனிப்பொழிவு ஏற்படலாம். தாழ்வான பகுதிகளில் 10 செ.மீ வரை பனிப்பொழிவு ஏற்படலாம் என தெரிவித்துள்ளது.