ஜம்மு-காஷ்மீா்: ராணுவ ஆள்சோ்ப்பு முகாமில் 40,000 இளைஞா்கள் பங்கேற்பு
ஜம்மு-காஷ்மீரின் பூஞ்ச் மற்றும் தோடா மாவட்டங்களில் ஐந்து ஆண்டுகளுக்குப் பிறகு இந்திய ராணுவத்தால் நடத்தப்பட்ட ஆள்சோ்ப்பு முகாம்களில் இதுவரை 40,000 இளைஞா்கள் பங்கேற்றுள்ளனா் என அதிகாரிகள் ஞாயிற்றுக்கிழமை தெரிவித்தனா்.
பிராந்திய ராணுவத்தில் சிப்பாய் ஜெனரல் பணிக்கான 307 காலியிடங்கள் மற்றும் 45 எழுத்தா் பணியிடங்களை நிரப்புவதற்காக கடந்த நவம்பா் 8-ஆம் தேதி சூரன்கோட்டில் உள்ள மேம்படுத்தப்பட்ட விமான தரையிறக்க மைதானத்தில் ஆள்சோ்ப்பு முகாம் தொடங்கப்பட்டது.
சிப்பாய் பணியிடங்களுக்கு ஜம்மு பிரிவின் பூஞ்ச், ஜம்மு, ரஜௌரி மற்றும் ரியாசி மாவட்டங்களில் உள்ள 31 தாலுகாக்களைச் சோ்ந்த இளைஞா்களும், எழுத்தா் பணியிடங்களுக்கு யூனியன் பிரதேசத்தைச் சோ்ந்த அனைத்து இளைஞா்களும் விண்ணப்பிக்க தகுதியுடையவா்கள் என தெரிவிக்கப்பட்டது.
அதன்படி, தோடா, உதம்பூா், ரியாசி, கிஷ்த்வாா் மற்றும் ராம்பன் மாவட்டங்களைச் சோ்ந்த இளைஞா்களுக்கு 10 நாள் ஆள்சோ்ப்பு முகாம் நவம்பா் 11-ஆம் தேதி தோடா மாவட்டத்தில் தொடங்கப்பட்டது.
பூஞ்ச் மாவட்டத்தில் ஆள்சோ்ப்பு முகாம் தொடங்கப்பட்டு 10 நாள்கள் நிறைவடைந்த நிலையில், அங்கு 26,000 இளைஞா்களும், தோடா மாவட்டத்தில் நடைபெற்ற ஆள்சோ்ப்பு முகாமில் 12,000 இளைஞா்களும் இதுவரை பங்கேற்றுள்ளனா் என்று ஆள்சோ்ப்பு அலுவலக மூத்த அதிகாரி தெரிவித்தாா்.
இது தொடா்பாக அவா் மேலும் கூறியதாவது: இந்த ஆள்சோ்ப்பு முகாம், ஜம்மு-காஷ்மீா் மக்களுடனான இந்திய ராணுவத்தின் பிணைப்பை வலுப்படுத்த எடுக்கப்படும் முயற்சியில் மற்றொரு மைல்கல். பிராந்தியத்தில் உள்ள இளைஞா்களுக்கு வேலைவாய்ப்புகளை வழங்குவதுடன், இந்திய ஆயுதப்படையில் சேர இளைஞா்களை ஊக்குவிக்கும் நோக்கில் இந்த ஆள்சோ்ப்பு முகாம் தொடங்கப்பட்டது.
இதில் ஜம்மு-காஷ்மீரைச் சோ்ந்த இளைஞா்கள் ஆா்வம் காட்டுவது மகிழ்ச்சி அளிக்கிறது. அவா்களுக்கு நியாயமான மற்றும் வெளிப்படையான தோ்வு செயல்முறையை வழங்க வேண்டியது எங்களின் கடமை.
விண்ணப்பதாரா்கள் 1.6 கி.மீ. ஓட்டப்பந்தயம் உள்பட பல்வேறு உடல் தகுதித் தோ்வுகளில் பங்கேற்றனா். அதைத் தொடா்ந்து மருத்துவ பரிசோதனைகள் மற்றும் ஆவணங்கள் சரிபாா்ப்பு நடைபெறவுள்ளது. இந்த ஆள்சோ்ப்பு முகாம் அடுத்த மூன்று நாள்களுக்கு தொடரும் என எதிா்பாா்க்கப்படுகிறது. இதுவரை சுமாா் 4,000 இளைஞா்கள் முதல் கட்டமாக தோ்ச்சி பெற்று மருத்துவ பரிசோதனையில் பங்கேற்க தயாராக உள்ளனா்.
தேசத்துக்கு சேவை செய்ய வேண்டும் எனவும், தங்கள் குடும்பங்களுக்கு பொருளாதார ரீதியில் உதவ வேண்டும் எனவும் இளைஞா்கள் விரும்புகிறாா்கள். மதிப்புமிக்க ஆயுதப் படைகளில் ஓா் இடத்தைப் பெறுவதற்கான தங்கள் திறனை அவா்கள் வெளிப்படுத்துகிறாா்கள் என தெரிவித்தாா்.