12 நாட்களாக புடினைக் காணவில்லை… பதுங்கு குழிக்குள் மறைந்திருக்கிறாரா?

நவம்பர் மாதம் 7ஆம் திகதிக்குப்பின், ரஷ்ய ஜனாதிபதி புடின் வெளியே காணப்படவில்லை.

12 நாட்களாக புடின் எங்கே சென்றார் என்பது மர்மமாகவே நீடிக்கிறது.

12 நாட்களாக புடினைக் காணவில்லை…
இம்மாதம், அதாவது, நவம்பர் மாதம் 7ஆம் திகதி, ட்ரம்ப் ஜனாதிபதி தேர்தலில் வெற்றிபெற்றதற்காக அவருக்கு வாழ்த்துச் சொல்லியதுபோதுதான் கடைசியாக தொலைக்காட்சியில் தோன்றினார் புடின்.

அதற்குப் பிறகு, 12 நாட்களாக அவர் எங்கே இருக்கிறார் என்பது தெரியவில்லை!

பதுங்கு குழிக்குள் மறைந்திருக்கிறாரா?
ஆகவே, புடின் எங்கு சென்றார், அவர் தனது ஹைடெக் பதுங்கு குழிக்குள் மறைந்திருக்கிறாரா? அல்லது அவருக்கு உடல் நலமில்லையா, அல்லது மீண்டும் ஒரு அழகியல் சிகிச்சைக்காக சென்றுள்ளாரா அல்லது உலகம் அவரது அணு ஆயுத எச்சரிக்கையால் பதற்றத்தில் இருக்க, அமைதியாக யார் கண்ணிலும் படாமல் இருக்க முடிவு செய்துள்ளாரா என்றெல்லாம் கேள்விகள் எழுந்துள்ளன.

இது குறித்து ஊடகம் ஒன்று வெளியிட்டுள்ள செய்தியில், உக்ரைன் அமெரிக்க ஏவுகணைகளை பிரயோகிப்பது தொடர்பில் முக்கியமான முடிவெடுத்திருக்கும் நிலையில், அவர் என்ன செய்துகொண்டிருக்கிறார், எங்கிருக்கிறார் என்பது அவரது பாதுகாவலர்கள் மற்றும் அவருக்கு நெருக்கமான வெகு சிலரைக் கொண்ட ஒரு சிறிய வட்டம் ஒன்றிற்கு மட்டுமே தெரியும் என குறிப்பிடப்பட்டுள்ளது.

இதற்கிடையில், புடினுடைய ரகசிய காதலியான அலீனா கபேவா, கத்தாரில் தனது தடகள வீராங்கனைகளுடன் காணப்படும் காட்சிகள் வெளியாகியுள்ளன.