இஸ்ரேலை குறிவைத்து ஏவப்பட்ட 185 ராக்கெட்கள்! ஹிஸ்புல்லா நடத்திய அதிரடி தாக்குதல்

இஸ்ரேல் மீது ஹிஸ்புல்லா அமைப்பினர் கிட்டத்தட்ட 185 ராக்கெட்டுகளை ஏவி தாக்குதல் நடத்தியுள்ளனர்.

இஸ்ரேல் மீது ராக்கெட் தாக்குதல்

இஸ்ரேல்-மற்றும் லெபனானின் ஈரான் ஆதரவு படையான ஹிஸ்புல்லா அமைப்பினர் இடையிலான போர் நடவடிக்கை மீண்டும் பதற்ற நிலையை அடைந்துள்ளது.

அதாவது ஞாயிற்றுக்கிழமையான இன்று வட மத்திய இஸ்ரேலிய பகுதி மீது ஹிஸ்புல்லா அமைப்பினர் கிட்டத்தட்ட 185 ராக்கெட் ஏவுகணை தாக்குதலை நடத்தியுள்ளனர்.

லெபனான் தலைநகர் பெய்ரூட் மீது இஸ்ரேல் நடத்திய பயங்கர தாக்குதலுக்கு பதிலளிக்கும் விதமாக ஹிஸ்புல்லா அமைப்பினர் சில நாட்களாக நடத்தி வரும் தாக்குதலில் இதுவரை 7 பேர் வரை படுகாயமடைந்துள்ளனர்.

லெபனானின் ராணுவ மையம் மீது இஸ்ரேல் நடத்திய தாக்குதலில் 1 ராணுவ வீரர் கொல்லப்பட்டதுடன் 18 பேர் வரை படுகாயமடைந்ததாக லெபனான் ராணுவம் தெரிவித்துள்ளது.

லெபனானின் ஹிஸ்புல்லா மற்றும் இஸ்ரேல் இடையிலான போர் தொடங்கியதில் இருந்து இதுவரை கிட்டத்தட்ட 40 லெபனான் வீரர்கள் கொல்லப்பட்டுள்ளனர் என்பது குறிப்பிடத்தக்கது.