முல்லைத்தீவில் அடைமழையால் மக்கள் அவதி

முல்லைத்தீவு – புதுக்குடியிருப்பு பகுதியில் தொடர்ச்சியாக மழை பெய்து வருவதனால் போக்குவரத்தில் ஈடுபடும் மக்களின் இயல்பு வாழ்க்கை பாதிக்கப்பட்டுள்ளது.

புதுக்குடியிருப்பில் கடந்த மூன்று நாட்களாக தொடர் மழை பெய்து வருகிறது. இதனால் வர்த்தகர்கள், போக்குவரத்தில் ஈடுபடும் பயணிகள் அன்றாட செயற்பாடுகளில் ஈடுபட முடியாமல் பாரிய சிரமங்களை எதிர்கொள்கின்றனர்.

கடும் மழையினால் பல இடங்களில் வெள்ள நிலை காணப்படுவதனாலும், வீடுகளுக்குள் வெள்ளநீர் புகுந்தமையினாலும் போக்குவரத்தில் ஈடுபடும் பயணிகள், வர்த்தகர்கள் முதலான பொதுமக்கள் பாதிக்கப்பட்டுள்ளனர்.

அதேவேளை வடக்கு, கிழக்கில் தொடர்ச்சியாக இடியுடன் கூடிய பலத்த மழை காரணமாக அனர்த்த முகாமைத்துவ பிரிவினர் வெள்ள அபாய சிவப்பு எச்சரிக்கையினை விடுத்துள்ளமை குறிப்பிடத்தக்கது.