5.6 மில்லியன் Followers கொண்ட வேட்பாளருக்கு மூன்று இலக்கத்தில் வாக்குகள்

மகாராஷ்டிரா சட்டமன்றத் தேர்தலில் போட்டியிட்ட பிரபல இன்ஃப்ளூயன்சருக்கு மூன்று இலக்கத்தில் வாக்குகள் வந்ததால் படுதோல்வி அடைந்தார்.

தேர்தலில் படுதோல்வி
பிரபலங்கள் தேர்தலில் போட்டியிட்டு தோல்வியை சந்திப்பது நடந்து கொண்டு தான் வருகிறது. அந்த மாதிரியான சம்பவம் மகாராஷ்டிரா சட்டமன்ற தேர்தலில் நடைபெற்றுள்ளது.

அந்தவகையில், நடிகரும், இந்தி பிக்பாஸ் போட்டியாளரும், பிரபல இன்ஃப்ளூயன்சருமான அஜாஸ் கான் என்பவர் மகாராஷ்டிரா சட்டமன்ற தேர்தலில் போட்டியிட்டார். இவர், ஆசாத் சமாஜ் கட்சி (கன்ஷி ராம்) சார்பில் வெர்சோவா தொகுதியில் களமிறங்கினார்.

வாக்கு எண்ணிக்கையின் போது 18 சுற்றுகள் முடிந்த நிலையிலும் கூட 200 வாக்குகளை தாண்டவில்லை. இறுதியில், வெறும் 155 வாக்குகள் பெற்று படுதோல்வி அடைந்துள்ளார். இது, சமூக வலைதளங்களில் வைரலானது.

இவர் குறைவான வாக்குகள் பெற்றாலும் சமூக வலைதளமான இன்ஸ்டாகிராம் பக்கத்தில் அஜாஸ் கானை 50 லட்சத்துக்கும் அதிகமானோர் பின் தொடர்கின்றனர் என்பது தான் முக்கியமான விடயம்.