யாழில் 7 பேரின் உயிரைப் பறித்த காச்சல்; பரிசோதனையில் வெளியான தகவல்

வட மாகாணத்தில் திடீர் சுகயீனமுற்று உயிரிழந்த 07 பேரின் இரத்த மாதிரி பரிசோதனையில் அவர்கள் எலிக்காய்ச்சல் நோயால் பாதிக்கப்பட்டு உயிரிழந்துள்ளதாக உறுதி செய்யப்பட்டுள்ளதென தொற்றுநோயியல் விஞ்ஞானப் பிரிவு தெரிவித்துள்ளது.

நீண்ட நாள் காய்ச்கல் , கண் சிவத்தல் , உடல் சோர்வு, கடும் மஞ்சள் நிறத்தில் சிறுநீர் வெளியேறுதல், சிறுநீருடன் இரத்தம் கசித்தல் என்பன எலிக்காய்ச்சல் நோய்க்கான அறிகுறிகளாகும்.

உடனடியாக வைத்தியரை நாடுமாறு அறிவுறுத்து
வடமாகாணத்தில் அடையாளம் காணப்படாத காய்ச்சலால் உயிரிழந்த 07 பேரிடம் பெறப்பட்ட இரத்த மாதிரிகளில் பலவற்றில் எலிக்காய்ச்சல் அல்லது லெப்டோஸ்பிரோசிஸ் வைரஸ் இருப்பது உறுதி செய்யப்பட்டுள்ளதாக தொற்றுநோயியல் பிரிவு தெரிவித்துள்ளது.

எனவே இந்த நோய் அறிகுறிகள் காணப்படுபவர்கள் உடனடியாக வைத்தியரை நாடுமாறு அறிவுறுத்தப்பட்டுள்ளது.

யாழ் போதனாவைத்தியசாலையில் குறித்த 7 பேரும் திடீர் சுகயீனம் காரணமாக அனுமதிக்கப்பட்ட நிலையில் உயிரிழந்ததை அடுத்து , அவர்களின் இரத்த மாதிரி கொழும்புக்கு அனுப்பிவைக்கப்பட்டதாக தெரிவிக்கபப்ட்டிருந்த்து.

இந்நிலையில் உயிரிழந்தவர்கள் எலிக்காய்ச்சல் நோயால் பாதிக்கப்பட்டதாக பரிசோதனையில் தெரியவந்துள்ளதாக கூறப்படுகின்றது.