கனடாவின் பணவீக்க விகிதம் 1.9 சதவீதமாக குறைவு

கனடாவின் வருடாந்திர பணவீக்க விகிதம் நவம்பர் மாதத்தில் 1.9 சதவீதமாக குறைந்தது.

இந்த வீழ்ச்சிக்கு முக்கிய காரணங்கள், குறைந்த அடமான வட்டி செலவுகள் மற்றும் மலிவான சுற்றுலா பயண கட்டணங்களின் சலுகைகள் என Statistics Canada தெரிவித்துள்ளது.

பொருட்களின் விலை உயர்வு பெரும்பாலும் மந்தமடைந்துள்ளது. உணவுப் பொருட்களின் விலை கடந்த ஆண்டுடன் ஒப்பிடும்போது 2.6% அதிகரித்துள்ளது.

இருப்பினும், 2021 நவம்பர் முதல் இதுவரை உணவுப் பொருட்கள் 19.6% உயர்ந்துள்ளதாக கூறப்பட்டது.

பங்குக் கணக்கில், கனடாவின் Bank of Canada வங்கி நிர்ணயித்த 2% இலக்கு செப்டம்பர் மாதத்திலேயே அடைந்தாலும், அதன் முக்கியமான CPI-மீடியன் (2.6%) மற்றும் CPI-ட்ரிம் (2.7%) ஆகியவை இன்னும் அதிகமாகவே உள்ளன.

இந்த அறிக்கை வங்கியின் வட்டி விகிதத்தை மெதுவாக குறைக்கும் பாதையை உறுதிப்படுத்துகிறது என்று BMO நிறுவனத்தின் முதன்மை பொருளாதார நிபுணர் டக்ளஸ் போர்டர் கூறினார்.

அடுத்த ஜனவரி 29 மத்திய வங்கி கூட்டத்தில் வட்டி விகிதம் மேலும் குறைக்கப்படும் என எதிர்பார்க்கப்படுகிறது.