25 குடிமக்களுக்கு கடும் சிறைத்தண்டணை – பாகிஸ்தான் இராணுவ நீதிமன்றத்தின் உத்தரவு

2023 இல் இராணுவ வசதிகள் மீதான தாக்குதல்கள் தொடர்பாக 25 குடிமக்களுக்கு பாகிஸ்தான் இராணுவ நீதிமன்றத்தால் இரண்டு முதல் 10 ஆண்டுகள் வரை “கடுமையான சிறைத்தண்டனை” விதிக்கப்பட்டது என்று ஆயுதப்படைகளின் ஊடகப் பிரிவு தெரிவித்துள்ளது.

சிறையில் அடைக்கப்பட்டுள்ள முன்னாள் பிரதமர் இம்ரான் கானின் ஆதரவாளர்களிடையே உள்ள பிரச்சினைகளை இந்த தீர்ப்பு அடிக்கோடிட்டுக் காட்டுகிறது, ஆயுதப்படைகளுக்கு எதிராக தாக்குதல்களை தூண்டியது உட்பட பல குற்றச்சாட்டுகளை எதிர்கொண்டுள்ள 72 வயதான அவர் சம்பந்தப்பட்ட வழக்குகளில் ராணுவ நீதிமன்றங்கள் பெரிய பங்கை வகிக்கப் போகின்றன.

2023 மே 9 அன்று துணை ராணுவ வீரர்களால் முன்னாள் பிரதமரைக் கைது செய்ததற்கு எதிர்ப்புத் தெரிவிக்க ஆயிரக்கணக்கான கான் ஆதரவாளர்கள் இராணுவ நிறுவல்களைத் தாக்கி ஜெனரல் ஒருவரின் வீட்டை எரித்தனர். இதன்போது வன்முறையில் எட்டு பேர் கொல்லப்பட்டனர்.

இராணுவத்திற்கு எதிரான தாக்குதல்களைத் தூண்டிய குற்றச்சாட்டில் கான் பயங்கரவாத எதிர்ப்பு நீதிமன்றத்தால் குற்றஞ்சாட்டப்பட்ட சில நாட்களுக்குப் பிறகு இந்தத் தீர்ப்பு வந்துள்ளது.

அவரது உளவுத் தளபதியாக பணியாற்றிய இராணுவ ஜெனரல் Faiz Hamid அதே குற்றச்சாட்டில் இராணுவ விசாரணையை எதிர்கொள்கிறார்.

பாகிஸ்தானின் உச்ச நீதிமன்றம் கடந்த வாரம் கானின் கிட்டத்தட்ட 85 ஆதரவாளர்கள் மீதான இராணுவத் தளங்களைத் தாக்கிய குற்றச்சாட்டின் பேரில் முடிவடைந்த விசாரணைகளில் தீர்ப்புகளை அறிவிக்க இராணுவ நீதிமன்றங்களை அனுமதித்தது.

பொதுமக்களை விசாரிக்க ராணுவ நீதிமன்றங்களுக்கு கடந்த ஆண்டு நீதிமன்றம் அனுமதி அளித்தமை குறிப்பிடத்தக்கது.