ஈபிள் கோபுரத்தில் திடீர் தீ விபத்து எச்சரிக்கை: 1200 பார்வையாளர்கள் வெளியேற்றம்
பாரிஸில் உள்ள ஈபிள் கோபுரத்தில் தீ விபத்து எச்சரிக்கை எழுப்பப்பட்டதை அடுத்து பார்வையாளர்கள் உடனடியாக வெளியேற்றப்பட்டனர்.
ஈபிள் கோபுரத்தில் தீ விபத்து
பிரான்ஸ் நாட்டின் தலைநகரான பாரிஸில் அமைந்துள்ள உலக அதிசயங்களில் ஒன்றான ஈபிள் கோபுரத்தில் இன்று திடீரென தீ விபத்து ஏற்பட்டது.
ஈபிள் கோபுரத்தில் உள்ள மின் தூக்கியின் வழித்தடத்தில் ஏற்பட்ட தீ எச்சரிக்கை காரணமாக கிட்டத்தட்ட 1,200 பார்வையாளர்கள் கோபுரத்தில் இருந்து உடனடியாக வெளியேற்றப்பட்டனர்.
More than 1,200 visitors to the Eiffel Tower in Paris were evacuated after a fire alarm was triggered in an elevator shaft
Reports indicate that a short circuit occurred in the elevator wiring between the first and second levels of the tower.
No injuries were reported among the… pic.twitter.com/EHEru3Mj1S
— NEXTA (@nexta_tv) December 24, 2024
தெரிவிக்கப்படும் தகவல்களின் படி, ஈபிள் கோபுரத்தின் முதல் மற்றும் இரண்டாம் நிலைகளுக்கு இடைப்பட்ட மின் தூக்கியின் வயரிங்கில் ஏற்பட்ட மின்கசிவு காரணமாக இந்த விபத்து ஏற்பட்டு இருக்கலாம் என்று தகவல்கள் தெரிவிக்கப்பட்டுள்ளன.
யாருக்கும் காயம் இல்லை
இந்த விபத்து சம்பவத்தில் பார்வையாளர்கள் யாருக்கும் காயம் ஏற்படவில்லை என்று தெரிவிக்கப்பட்டுள்ளது.
மேலும் ஈபிள் கோபுரம் இன்று மீண்டும் திறக்கப்படும் என்றும், ஆனால் முதல் மற்றும் இரண்டாவது மாடிக்குள் பார்வையாளர்கள் கட்டுப்படுத்தப்படுவார்கள் என தெரிவிக்கப்பட்டுள்ளது.
அத்துடன் மின்கசிவுக்கான காரணம் குறித்து விசாரணையும் நடைபெற்று வருகிறது.