ரஷ்யா தாக்குதல்: அவசர பாதுகாப்பு தேவை- எச்சரிக்கும் பிரித்தானிய முன்னாள் அமைச்சர்

ரஷ்யா ஏவுகணை தாக்கினால் பெரிய விலை கொடுக்க வேண்டியிருக்கும் என பிரித்தானியாவின் முன்னாள் அமைச்சர் எச்சரித்துள்ளார்.

வான் பாதுகாப்பு நடவடிக்கை
பிரித்தானியாவின் முன்னாள் பாதுகாப்பு அமைச்சர் டோபியஸ் எல்வுட் (Tobias Ellwood) வான் பாதுகாப்பு தொடர்பாக எச்சரிக்கை விடுத்துள்ளார்.

லண்டனை இலக்காகக் கொண்ட ஒரு பாலிஸ்டிக் அல்லது ஹைப்பர்சோனிக் ஏவுகணை, ரஷ்ய யூரல்ஸ் தளத்தில் இருந்த்து ஏவப்பட்டால் 30 நிமிடங்களுக்குள் தாக்கப்படுவோம் என்கிறார் எல்வுட்.

இதற்காக முன்னெச்சரிக்கை நடவடிக்கைகளை விரைந்து எடுக்க வேண்டும் என்று கூறும் அவர், இக்கட்டான செயல்களுக்கு ஒப்புதல் அளிப்பதற்கும், அச்சறுத்தலை திறம்பட சமாளிப்பதற்கும் அனைத்து வழிகளிலும் கட்டளை சங்கிலி மூலம் முடிவுகள் எடுக்கப்பட வேண்டும் என தெரிவிக்கிறார்.

எதிரி ஏவுகணையை முன்னதாகவே கண்டறியும் அமைப்பு
மேலும் பேசிய எல்வுட், “நமது அதிநவீன செயற்கைக்கோள் எச்சரிக்கை அமைப்புகள், வெளிநாட்டு எதிரி ஏவுகணையை முன்னதாகவே கண்டறியும் வகையில் இருக்க வேண்டும். இன்று நமது சிறந்த நம்பிக்கை பிரித்தானியாவின் விரைவு எதிர்வினை எச்சரிக்கையாக இருக்கும்.

ஒரு முன்னாள் பாதுகாப்பு அமைச்சர் என்ற முறையில், அட்டவணைப்படி நான் ஒன்றுக்கும் மேற்பட்ட சந்தர்ப்பங்களில் புறப்படுவதற்கு ஒப்புதல் அளிக்க வேண்டியிருந்தது. பொதுவாக ரஷ்ய விமானங்கள் நமது வான்வெளியில் சலசலக்கும்.

இன்று வான் அச்சுறுத்தல் மிகவும் விரோதமாகவும், சிக்கலானதாகவும், கணிக்க முடியாததாகவும் தெரிகிறது. RAF விமானிகள் தைரியமாக இருந்தாலும், QRA மட்டும் நம்மைப் பாதுகாப்பாக வைத்திருக்க போதுமானதாக இல்லை.

ஏவுகணைத் தாக்குதலால் நாம் எவ்வளவு பாதிக்கப்படுகிறோம் என்பதை பிரித்தானிய மக்களுக்கு தெரிந்தால், அங்கே ஒரு கூக்குரல் இருக்கும்.

எனவே, நமக்கு அவசரமாக ஒரு வான் பாதுகாப்பு அமைப்பு தேவை அல்லது நாம் பயங்கரமான விலையை கொடுக்க வேண்டியிருக்கும்” என தெரிவித்துள்ளார்.