மில்லியன் கணக்கான மக்களை கொல்வதை..புடினும், ஜெலென்ஸ்கியும் ஒன்று சேர வேண்டும்: டொனால்ட் ட்ரம்ப்

ரஷ்யா மற்றும் உக்ரைன் இடையிலான போரை முடிவுக்கு கொண்டுவர புடினும், ஜெலென்ஸ்கியும் ஒன்று சேர வேண்டும் என டொனால்ட் ட்ரம்ப் தெரிவித்தார்.

பில்லியன் டொலர் உதவி
உக்ரைன் போரை முடிவுக்கு கொண்டுவர அமெரிக்க ஜனாதிபதி டொனால்ட் ட்ரம்ப்பும், ரஷ்ய ஜனாதிபதி விளாடிமிர் புடினும் விரைவில் சந்தித்து பேச உள்ளதாக தகவல்கள் பரவி வருகின்றன.

இந்த சூழலில், ஜோ பைடன் வழங்கிய பல்லாயிரக்கணக்கான பில்லியன் டொலர் உதவிகளுக்கு இழப்பீடாக, உக்ரைன் தனது பரந்த இயற்கை வளங்களை அமெரிக்க நிறுவனங்களுக்கு அணுக அனுமதிக்க வேண்டும் என்று ட்ரம்ப் விரும்புகிறார்.

மக்களைக் கொல்வதை நிறுத்த விரும்புகிறோம்
ஓவல் அலுவலகத்தில் செய்தியாளர்களை சந்தித்த டொனால்ட் ட்ரம்ப், “ஜனாதிபதி புடினும், ஜனாதிபதி ஜெலென்ஸ்கியும் ஒன்று சேர வேண்டியிருக்கும். ஏனென்றால் உங்களுக்கு என்ன தெரியும்?

மில்லியன் கணக்கான மக்களைக் கொல்வதை நாங்கள் நிறுத்த விரும்புகிறோம். அடுத்த மிகக் குறுகிய காலத்தில் உக்ரைனின் கனிம வைப்புகளுக்கு வாஷிங்டனும் முன்னுரிமை அணுகலை வழங்கும் ஒப்பந்தத்தில் கீவ் கையெழுத்திடும்.

நீங்கள் கற்பனை செய்யக்கூடிய எல்லா வழிகளிலும் அவர்கள் மிகவும் துணிச்சலானவர்கள். ஆனால், நாங்கள் எங்கள் பொக்கிஷத்தை மிக மிக தொலைவில் உள்ள ஒரு நாட்டிற்கு செலவிடுகிறோம்” என்றார்.