உக்ரைன் பாதுகாப்புக்காக 30 நாடுகளின் ராணுவத் தலைவர்கள் ஆலோசனை
பிரித்தானியாவில் உக்ரைன் பாதுகாப்பு குறித்து பல நாடுகளின் ராணுவத் தலைவர்களுடன் ஆலோசனை கூட்டம் நேற்று (வியாழக்கிழமை) நடைபெறுகிறது.
உக்ரைனில் எதிர்காலத்தில் அமையும் போர்நிறைவு உடன்படிக்கையை பாதுகாக்க, இந்த கூட்டத்தில் 30 நாடுகளுக்கு மேல் பங்கேற்கும் என எதிர்பார்க்கப்படுகிறது.
பிரித்தானிய பிரதமர் கெய்ர் ஸ்டார்மர் மற்றும் பிரஞ்சு ஜனாதிபதி இம்மானுவேல் மேக்ரான், இந்த கூட்டணியை உருவாக்க முக்கிய முயற்சி மேற்கொண்டு வருகின்றனர்.
ஆனால், ரஷ்ய ஜனாதிபதி விளாடிமிர் புடின், மேற்கத்திய நாடுகள் உக்ரைனுக்கு ராணுவ உதவியை நிறுத்தினால் தான் போருக்கு முற்றுப்புள்ளி வைக்க முடியும் என்று வலியுறுத்தியுள்ளார்.
மேலும், உக்ரைன் மண்ணில் எந்த வெளிநாட்டு படையும் இருக்க அனுமதி இல்லை என ரஷ்யா திட்டவட்டமாக தெரிவித்துள்ளது.
உக்ரைன் பாதுகாப்புக்காக 30 நாடுகளின் ராணுவத் தலைவர்கள் ஆலோசனை | 30 Military Chiefs Meet Uk On Ukraine Protection
அமெரிக்க ஜனாதிபதி டொனால்டு ட்ரம்ப், கடந்த மாதம் முதல் நேரடியாக ரஷ்யாவுடன் பேச்சுவார்த்தை நடத்தி வருகிறார். இதன் காரணமாக, மேற்கத்திய நாடுகள் உக்ரைனுக்கு பாதுகாப்பு வழங்கும் கூட்டணியை உருவாக்க முயல்கின்றன.
ஆனால், புடின்-டிரம்ப் பேச்சுவார்த்தையில், உக்ரைன் மீண்டும் ஆயுதங்களை சேர்த்துக்கொள்ளக் கூடாது, கட்டாய ராணுவ ஆட்சேர்ப்பு நிறுத்தப்பட வேண்டும் என்பதையும் புடின் வலியுறுத்தியுள்ளார்.
தற்போது, ரஷ்யா உக்ரைனின் மின்சக்தி உள்கட்டமைப்புக்கு தாக்குதல் நடத்துவதை 30 நாட்களுக்கு நிறுத்த ஒப்புக்கொண்டுள்ளது. ஆனால், இரு நாடுகளும் ஒருவருக்கு ஒருவர் குற்றச்சாட்டுகளை முன்வைத்து வருகின்றன.
உக்ரைனில் பிரித்தானிய மற்றும் பிரான்ஸ் ராணுவத்தினரை நிறுத்துவதை ஸ்டார்மர், மேக்ரான் ஆதரிக்கின்றனர். இதற்கு ஏனைய பல நாடுகளும் ஆதரவளிக்க தயாராக உள்ளதாக தகவல்கள் தெரிவிக்கின்றன.
30-க்கும் மேற்பட்ட நாடுகள் இதற்கான கூட்டணியில் பங்கேற்கும் என எதிர்பார்க்கப்படுகிறது.
அமெரிக்காவின் பாதுகாப்பு உறுதியை திரும்பப் பெற்றால், இது நேட்டோ நாடுகளுக்கும் பாதுகாப்பு அச்சுறுத்தலாக மாறும். எனவே, பல நாடுகள் பாதுகாப்பு செலவுகளை அதிகரிக்க முயற்சி செய்து வருகின்றன.
அமெரிக்க ஜனாதிபதி டிரம்ப், உக்ரைன் ஜனாதிபதி வோலோடிமிர் ஜெலென்ஸ்கியுடன் பேசி, போர்நிறைவு முயற்சிகள் சரியான பாதையில் உள்ளன என்று அறிவித்துள்ளார்.